cubrir

Galego

• Etimoloxía: do galego-portugués cobrir (século XIII, Cantigas de Santa Maria), do latín cooperīre, de cooperiō.

• Pronuncia: [kuˈβɾiɾ] (AFI)

Verbo intransitivo

cubrir

1. Satisfacer os gastos orixinados.
2. Ter [un líquido] a capacidade para deixar completamente somerxido a alguén.

Verbo pronominal

cubrirse

1. Quedar oculto por algo.
   • Exemplo: O ceo cubriuse de nubes, e ameazaba con chuvia.
     
     
   • Sinónimos: encherse.
2. Situar algo sobre o corpo ou parte del para impedir que se vexa.
   • Sinónimos: taparse.
3. Situarse fóra do alcance dun ataque.
   • Exemplo: Cubrídevos ben, hai un francotirador na torre daquela igrexa.
     
     
4. Chegar a ter moito [de algo].
   • Sinónimos: encherse.

Verbo transitivo

cubrir

1. Situar algo sobre [algo ou alguén] para impedir que se vexa.
   • Sinónimos: tapar.
2. Impedir [algo ou alguén] que se vexa [algo ou alguén situado entre el e o punto de vista].
   • Sinónimos: ocultar, tapar.
3. Estenderse sobre toda ou parte da superficie de [algo ou alguén].
4. Introducir información nos ocos de [un documento].
   • Exemplo: Tes que cubrir estes formularios para solicitar a bolsa de estudos.
     
     
   • Sinónimos: encher.
5. Igualar os ingresos a [uns gastos].
   • Exemplo: Os vosos soldos non van cubrir todos os gastos do neno, un vai ter que buscarse un segundo emprego.
     
     
6. Constituír o apoio económico necesario para [algo].
   • Exemplo: O seguro médico privado que fornece a empresa só cobre o básico, para o demais hai que tirar da Seguridade Social ou pagar.
     
     
7. Unirse [un animal macho] con [unha femia] para fecundala.
   • Sinónimos: montar.
8. Protexer [a alguén] durante unha acción arriscada.
   • Exemplo: Cubrídeme, vou intentar chegar ata aquela metralladora.
     
     
9. Apoiar unha acción arriscada.
   • Exemplo: Nunha hora teremos apoio aéreo para cubrir a nosa retirada, ata entón temos que aguantar.
     
     
10. Ocuparse [un medio de comunicación ou periodista] de informar sobre [algo].
    • Exemplo: O noso enviado especial está na capital rebelde para cubrir a noticia.
      
      
11. (Deportes) Controlar os movementos de [un xogador adversario].
    • Exemplo: Quero que cubrades cada un a un dos seus xogadores, non deixedes que se movan sen tropezar convosco.
      
      
    • Sinónimos: marcar.
12. Facer [algo ou a alguén] obxecto de algo.
    • Exemplo: Os xogadores do Celta cubriron de gloria a cidade olívica.
      
      
13. Darlle a [alguén] moito [de algo].
    • Exemplo: Cando o neno volveu do campamento de verán a nai cubriuno de bicos.
      
      
    • Sinónimos: encher.
14. Deixar [un líquido] completamente somerxido [algo ou a alguén].
15. Ocupar [alguén] un cargo ou posto de traballo.
    • Exemplo: Agora mesmo non temos vacantes que cubrir, pero podes deixar o currículo.
      
      
16. Desprazarse ao longo de [unha distancia].
    • Exemplo: Temos que cubrir outros tres quilómetros antes do solpor.
      
      
    • Sinónimos: percorrer.

Conxugación

Verbo semirregular da 3ª conxugación    

Formas impersoais

Infinitivo	cubrir
Xerundio	cubrindo
Participio	cuberto, cuberta, cubertos, cubertas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	cubro	cobres	cobre	cubrimos	cubrides	cobren
	Copretérito	cubría	cubrías	cubría	cubriamos	cubriades	cubrían
	Pretérito	cubrín	cubriches	cubriu	cubrimos	cubristes	cubriron
	Antepretérito	cubrira	cubriras	cubrira	cubriramos	cubrirades	cubriran
	Futuro	cubrirei	cubrirás	cubrirá	cubriremos	cubriredes	cubrirán
	Pospretérito	cubriría	cubrirías	cubriría	cubririamos	cubririades	cubrirían
Modo Subxuntivo	Presente	cubra	cubras	cubra	cubramos	cubrades	cubran
	Pretérito	cubrise	cubrises	cubrise	cubrísemos	cubrísedes	cubrisen
	Futuro	cubrir	cubrires	cubrir	cubrirmos	cubrirdes	cubriren
Modo Imperativo	Afirmativo		cubre	cubra1		cubride	cubran1
	Negativo		cubras	cubra1		cubrades	cubran1
Infinitivo conxugado		cubrir	cubrires	cubrir	cubrirmos	cubrirdes	cubriren

1 Vostede(s)