agarrar

Galego

• Etimoloxía: de garra e o prefixo a-.

• Pronuncia: [a.ɣaˈraɾ] (AFI)

Verbo intransitivo

agarrar

1. (Coloquial) Quedar fecundada [unha femia].
   • Exemplo: Esta vaca agarrou.
     
     
   • Sinónimos: empreñar, preñar.
2. (Coloquial) Botar raíces [unha planta] e desenvolverse como consecuencia.
   • Sinónimos: arraigar, enraizar, prender.

Traducións

• Castelán: (1) empreñar ^(es), (1) preñar ^(es).

Verbo pronominal

agarrarse

1. Poñer certas partes do corpo con respecto [a algo ou alguén] para evitar separarse [dese algo ou alguén].
2. Enfrontarse fisicamente.
   • Sinónimos: pelexar.
   • Termos relacionados: agarrada.
3. (Figurado) Aproveitar a oportunidade que supón [algo ou alguén].
   • Observacións: emprégase sempre seguido da preposición «a».
   • Sinónimos: aferrarse, asirse.

Traducións

• Castelán: (3) aferrarse ^(es).

Verbo transitivo

agarrar

1. Poñer certas partes do corpo ou un instrumento con respecto a [algo ou alguén] de forma que permita inmobilizalo.
   • Sinónimos: coller, suxeitar.
2. Poñer certas partes do corpo ou un instrumento con respecto a [algo ou alguén] de forma que permita telo.
   • Sinónimos: aguantar, coller, soster, suxeitar, ter man de, termar, tomar.
3. Chegar a ter [unha enfermidade].
   • Exemplo: O Alberto tanto dicir que usar condón era para parvos, e ao final agarrou o sida.
     
     
   • Sinónimos: apañar, contraer.
4. Pasar a estar en [un estado anormal].
   • Exemplo: Estiven intentando falalo con el, pero acabou agarrando un cabreo e marchando.
     
     
   • Sinónimos: apañar.

Traducións

• Castelán: (1 e 2) agarrar ^(es), (1 e 2) coger ^(es), (2) tomar ^(es).
• Francés: (2) prendre ^(fr).

Conxugación

Verbo regular da 1ª conxugación    

Formas impersoais

Infinitivo	agarrar
Xerundio	agarrando
Participio	agarrado, agarrada, agarrados, agarradas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	agarro	agarras	agarra	agarramos	agarrades	agarran
	Copretérito	agarraba	agarrabas	agarraba	agarrabamos	agarrabades	agarraban
	Pretérito	agarrei	agarraches	agarrou	agarramos	agarrastes	agarraron
	Antepretérito	agarrara	agarraras	agarrara	agarraramos	agarrarades	agarraran
	Futuro	agarrarei	agarrarás	agarrará	agarraremos	agarraredes	agarrarán
	Pospretérito	agarraría	agarrarías	agarraría	agarrariamos	agarrariades	agarrarían
Modo Subxuntivo	Presente	agarre	agarres	agarre	agarremos	agarredes	agarren
	Pretérito	agarrase	agarrases	agarrase	agarrásemos	agarrásedes	agarrasen
	Futuro	agarrar	agarrares	agarrar	agarrarmos	agarrardes	agarraren
Modo Imperativo	Afirmativo		agarra	agarre1	agarremos	agarrade	agarren1
	Negativo		agarres	agarre1	agarremos	agarredes	agarren1
Infinitivo conxugado		agarrar	agarrares	agarrar	agarrarmos	agarrardes	agarraren

1 Vostede(s)

Castelán

Verbo transitivo

agarrar

1. Agarrar, coller, suxeitar (poñerse de forma que se poida inmobilizar algo ou alguén).
2. Agarrar, aguantar, coller, soster, suxeitar, ter man de, termar, tomar (poñerse de forma que se poida ter algo ou alguén).
3. Atrapar, coller, pillar.