chuchar

Galego

• Etimoloxía: voz onomatopeica.

• Pronuncia: /t͡ʃu.'t͡ʃaɾ/ (AFI)

Verbo transitivo

chuchar

1. Sacar unha substancia, polo xeral un líquido, e levala á boca, empregando os labios e a lingua e succionando.
   • Exemplo: As abellas chuchan o néctar das flores
     
     .
2. Realizar movementos de succión sobre algo que se pon entre os labios ou se introduce na boca.
   • Exemplo: Chuchei o caramelo no cine.
     
     
3. Absorber auga ou outro líquido.
   • Exemplo: Os eucaliptos chuchan moita auga.
     
     
4. (Figurado) Quitar algo a alguén dunha maneira xeralmente abusiva.
   • Exemplo: Os rapaces chucháronlle os cartos ao vello e despois abandonárono.
     
     
5. (Figurado) Facer débil ou fraco a alguén.
   • Exemplo: Tanto traballo chuchan aos empregados.
     
     
6. (Figurado) Darlle moitos beixos a alguén.
   • Exemplo: A niñeira está chuchando ao bebé continuamente.
     
     
7. (Figurado) Incorporar un tecido orgánico materias ou substancias externas.
   • Exemplo: As plantas verdes chuchan o CO₂ na fotosíntese.
     
     
8. (Figurado) e (Deportes) Nos deportes de equipo, ter moito tempo o balón.
   • Exemplo: Ese dianteiro chucha continuamente o balón, é un chupón.
     
     

Observacións

• Na 1ª acepción son sinónimos chupar, succionar e zugar.
• Nas 2ª acepción é sinónimo chupar.
• Na 3ª acepción son sinónimos chupar e zugar.
• Nas acepcións 4ª a 8ª é sinónimo chupar.

Termos relacionados

chuchar da teta, chuchar o dedo, chuchar o sangue.

Verbo pronominal

chucharse

1. Ir facéndose máis débil ou fraco.
   • Exemplo: Ao ir para vello, chuchouse pouco a pouco.