mudar

Galego

• Etimoloxía: do galego-portugués mudar, e este do latín mutāre.

• Pronuncia: /mu.ˈðaɾ/ (AFI)

Verbo transitivo

mudar

1. Facer que algo ou alguén sexa distinto de como era antes.
   • Exemplo: As desgrazas da súa filla mudáronlle o carácter.
     
     
2. Facer que algo ou alguén deixe de ser o que era ou como era para ser outra cousa.
   • Exemplo: Co paso do tempo mudou a súa amizade en amor.
     
     
3. Quitar alguén ou quitar a outra persoa a roupa que se leva posta para vestir outra.
   • Exemplo: Mudoulle a roupa á nena.
     
     
4. Quitarlle a alguén a roupa e poñerlle outra.
   • Exemplo: Muda ao neno, que debe estar mollado.
     
     
5. Levar os mobles ou outros obxectos dunha casa ou dun lugar para outra ou outro.
   • Exemplo: Temos que mudar a mesa do comedor.
     
     
6. (Zooloxía) Cambiar algúns animais certas partes do seu organismo.
   • Exemplo: Neste mes hai veda das centolas porque están mudando a casca.
     
     

Observacións

• Na 1ª acepción seus sinónimos son alterar, cambiar, modificar e transformar.
• Na 2ª acepción seus sinónimos son cambiar, converter, tornar, transformar e trocar.
• Na 3ª acepción {{gl|seu sinónimo é cambiarse.
• Na 4ª, 5ª e 6ª acepcións seu sinónimo é cambiar.

Verbo intransitivo

mudar

1. Pasar algo ou alguén a ser distinto de como era, ou a estar dun xeito distinto de como estaba.
   • Exemplo: Co susto mudoulle a cara.
     
     

Observacións

Seu sinónimo é cambiar.

Verbo pronominal

mudarse

1. Pasar a ser outra cousa ou persoa distinta.
   • Exemplo: O seu amor mudouse en odio.
     
     
2. Deixar a casa onde se vive ou o lugar onde se traballa e ir para outro ou outra distinto ou distinta.
   • Exemplo: Viñeron máis fillos e mudáronse para unha casa máis grande. Aumentaron os perdidos e mudámonos para un taller máis grande.
     
     

Observacións

• Na 1ª acepción seus sinónimos son cambiarse, converterse, transformarse e trocarse.
• Na 2ª acepción seus sinónimos son cambiarse e trasladarse.