elefante mariño do sur

Galego

• Etimoloxía: de elefante, mariño e sur.

Elefante mariño do sur, Mirounga leonina, na Antártida.

Cría de elefante mariño do sur.

Machos de elefante mariño do sur pelexando, na illa Macquarie.

Locución substantiva masculina

elefante mariño do sur (sg: elefante mariño do sur; pl: elefantes mariños do sur)

1. (Zooloxía) Mamífero carnívoro pinnípede familia dos fócidos, Mirounga leonina Linné, de gran tamaño: os machos son os maiores pinnípedes que existen, e poden alcanzar os 6 m ou máis de lonxitude e até catro toneladas de peso, mentres que as femias non superan os 3 m e os 900 kg. A súa distribución é moito máis ampla cá do seu parente do norte, pois pode acharse nas costas do sur da Arxentina, illas Malvinas e Kerguelen, na Antártida, o sur de Australia e Tasmania.

Sinónimos

• elefante do mar do sur

Traducións

• Alemán: südlicher See-Elefant ^(de)
• Castelán: elefante marino del sur ^(es)
• Catalán: elefant marí meridional ^(ca)
• Francés: éléphant de mer du sud ^(fr)
• Inglés: Southern elephant seal ^(en)
• Italiano: elefante marino del sud ^(it)
• Portugués: elefante-marinho-do-sul ^(es)

Observacións

• Entre os dous sinónimos galegos é aconsellábel empregar elefante mariño do sur, en harmonía con outros idiomas (agás francés, e o catalán, que prefire meridional) e tamén para evitar confusións, porque elefante do mar do sur podería inducir a pensar que habita no Mar do Sur, é dicir, no Pacífico, cando a súa distribución é austral, comprendendo todas as costas dos mares que alí concorren.