Galego

Vexa na Galipedia o artigo acerca de «substrato».

Etimoloxía: do latín substrātus, participio pasado de substernĕre, 'estender baixo o solo', 'poñer como leito'.

substrato (sg: substrato; pl: substratos)

Dise de aquilo que está na base doutra cousa.
- Exemplo: En cada unha das súas accións hai un substrato ético.
(Bioloxía) Material sobre o que vive un organismo fixo.
- Exemplo: Animais como os pólipos ou os percebes viven sobre substratos despois da súa fase larvaria.
(Bioquímica) Substancia sobre a que actúa unha enzima.
- Exemplo: A especificidade das encimas sobre o substrato depende de cada enzima.
(Edafoloxía) Capa do solo que está debaixo do subsolo, e que pode ser rochoso ou de materiais sedimentarios.
- Exemplo: En xeoloxía, o substrato chámase tamén rocha nai, base rocohsa ou substrato rochoso.
(Lingüística) Lingua substituída por outra que inflúe nela dándolle certas características.
- Exemplo: O substrato celta do galego-portugués.
(Xeoloxía) Formación xeolóxica, xeralmente máis antiga ca outras que repousan sobre ela.
- Exemplo: O substrato das rochas sedimentarias.