remate

Galego

• Etimoloxía: de «rematar».

• Pronuncia: /reˈmate̝/ (AFI)

Substantivo masculino

remate (sg: remate; pl: remates)

1. Acción de rematar.
2. Momento no que finaliza [algo].
   • Exemplo: A medida que se achegaba o remate do curso debuxábase nas caras dos estudantes unha mestura de esgotamento e alivio.
     
     
   • Sinónimos: conclusión, fin, final, término, termo.
   • Antónimos: comezo, empezo, inicio, principio.
3. Extremo de algo.
4. Parte máis elevada con que algo se remata.
5. Acción ou efecto de rematar correctamente a derradeira puntada dun tecido.
6. Peza coa que se adorna ou reforza o bordo dun tecido.
7. (Deportes) Tiro directo á portaría que se fai aproveitando un pase directo dun compañeiro de equipo.
8. (Relixión) Último toque de campá dos tres que anuncian a misa maior.

Traducións

• Castelán: remate ^(es); (2) término ^(es).
• Italiano: rifinitura ^(it)
• Portugués: remate ^(pt); (2) termo ^(pt).

Verbo

remate

1. Definición impropia: primeira e terceira persoa do singular do presente de subxuntivo do verbo «rematar».