Esta páxina está marcada para o seu borrado e incluída na categoría correspondente.

Motivo: redacción enciclopédica, non propia dun dicionario

Se non está de acordo con este borrado, por favor explique as súas razóns na páxina de discusión ou en Wiktionary:Páxinas para borrar. Se é obvio que esta páxina non cumpre os requerimentos para ser borrada, ou vostede intenta arranxala, por favor quite esta nota, mais non quite estas notas das páxinas que teña creado vostede.

Asegúrese que ningunha outra páxina ten unha ligazón cara a esta e verifique a historia da páxina antes de borrala.

Nome científico

Galego

Vexa na Galipedia o artigo acerca de «Pica (xénero)».

Etimoloxía: do latín pica,- ae, 'pega'.

Pronuncia: /po.ka/ (AFI)

Substantivo feminino

Pica (xénero)

(Ornitoloxía) Pica é un xénero de aves da orde dos paseriformes e familia dos córvidos, que comprende de tres a sete especies, segundo os autores, denominadas comunmente pegas en lingua galega. Son córvidos de tamaño mediano, corpo robusto, cola longa e ás curtas, adaptadas especialmente para que o animal manobre con facilidade entre árbores e arbustos. Miden en torno aos 50 cm de lonxitude, dos cales a metade corresponde á súa longa cola. A diferenza doutros córvidos, ademais da negra presentan gran parte da súa plumaxe de cor branca, especialmente no ventre e nas ás, e algunhas zonas presentan iridiscencias de tons azuis. Son aves de réxime omnívoro; a súa dieta está composta basicamente de froitos, sementes e insectos, aínda que tamén é común velas alimentándose de preas, ovos, polos e aves e mamíferos de pequeno tamaño e, ocasionalmente, tamén de lixo dos vertedoiros (principalmente en inverno, cando escasea o alimento ou é máis difícil de conseguir). Ao igual que outros xéneros de córvidos está moi estendido, ocupando a maior parte da rexión holoártica, coa excepción do leste de Norteamérica, estando tamén ausente das zonas máis frías e desérticas. Como quedou dito, o número de especies varía moito segundo os autores. O Sistema Integrado de Información Taxonómica (ITIS), recoñécense no xénero tres especies:

Pica hudsonia (Sabine, 1823) – a pega de Hudson, que habita no noroeste de Norteamérica.
Pica nuttalli (Audubon, 1837) - a pega de Nuttall, que vive só en California.
Pica pica (Linnaeus, 1758) - a pega común, a especie de maior área de distribución, xa que está presente na maior parte do paleártico, salvo nos desertos e na tundra. Porén, investigacións recentes (2003) puxeron en dúbida a taxonomía de Pica. P. hudsonia e P. nuttalli son os parentes máis achegados entre si, e segundo algúns autores serían conespecíficas; pero son especies diferentes. E polo menos a raza coreana de P. pica tamén debería considerarse unha especie separada. E un estudo de filoxenia molecular publicado en 2018 descubriu que a até daquela chamada pega euroasiática (Pica pica) coprendía varias especies diferentes, incluíndo Pica mauritanica, P. asirensis e P. serica. Por iso, segundo a clasificación de referencia do Congreso Ornitolóxico Internacional de 2018, ás tres especies citadas anteriormente débense engadir as catro seguintes:
Pica mauritanica Malherbe, 1845
Pica asirensis Bates, 1936
Pica serica Gould, 1845
Pica bottanensis Delessert, 1840

Na actualidade (2021), a organización Global Biodiversity Information Facility (GBIF) considera as seguintes oito especies (unha delas extinta, descrita en 2001):

Pica asirensis Bates, 1936
Pica bottanensis Delessert, 1840
Pica hudsonia (Sabine, 1823)
Pica mauritanica Malherbe, 1845
Pica mourerae † Segui, 2001
Pica nuttalli (Audubon, 1837)
Pica pica (Linnaeus, 1758)
Pica serica Gould, 1845

Observacións

O de incluír detrás do nome (xénero) débese a que o nome pica, ademais do xénero aquí descrito, pode referirse a:

Pica, cada unha das especies de mamíferos lagomorfos pertencentes á familia dos ocotónidos;
Pica, cada unha das aves da familia dos motacílidos pertencentes ao xénero Anthus;
Pica, un dos nomes cos que se coñecen as follas dos piñeiros.