signo

Galego

• Etimoloxía: do latín signum.

• Pronuncia: /ˈsiɣ̞.no̯/ (AFI)

O signo de risco biolóxico é un símbolo convencional sen ningunha relación co que representa

Un signo tradicional cristián e a cruz que no mércores de cinza os sacerdotes debuxan na fronte dos fieis

Substantivo masculino

signo (sg: signo; pl: signos)

1. Calquera cousa, fenómeno ou acción material que, por natureza ou convención, representa ou substitúe a outro ou a outra.
   • Exemplo: O fume é signo de que hai lume
     
     .
2. Indicio, sinal de algo.
   • Exemplo: O seu rubor pareceume signo da súa indignación
     
     .
3. Sinal ou figura que se emprega na escritura e na imprenta.
   • Exemplo: Signo de interrogación
     
     .
4. Sinal que se fai a modo de bendición, como as que se fan na misa.
   • Exemplo: O cura fixo o singno da cruz
     
     .
5. Figura que os notarios agregan á súa sinatura para singularizala.
6. (Astroloxía) Cada unha das doce partes iguais en que se considera dividido o zodíaco.
   • Exemplo: Ti de que signo es?
     
     .
7. (Matemáticas). Sinal ou figura que se usa nos cálculos para indicar a natureza das cantidades e as operacións que se teñen que executar con elas.
   • Exemplo: As figuras: +, -, x, son signos empregados en matemáticas
     
     .
8. (Música) Sinal ou figura con que se escribe a música.
9. (Música) En particular, sinal que indica o ton natural dun son.
10. Configuración executada cuhna ou as dúas mans propia da lingua das persoas xordas ou xordocegas.

Termos relacionados

• signo de admiración
• signo de exclamación
• signo de interrogación
• signo do zodíaco
• signo lingüístico
• signo negativo
• signo ortográfico
• signo positivo