barbela

Galego

• Pronuncia: /baɾˈβɛla̝/ (AFI)

Substantivo feminino

barbela

---

singular	plural
barbela	barbelas

1. (Anatomía) Parte da cara humana entre a boca e o pescozo.
   • Sinónimos: barba, barbadela, barbarote, papo, queixelo, queixo.
2. (Anatomía) Prego de pel que percorre a parte inferior do pescozo de bois e vacas.
   • Sinónimos: badana, barbada, barbadela, gorgueira, marmela, papada, papeira, papo.
   • Exemplo: Na raza rubia galega mellorada prímase que teñan a barbela reducida.
     
     
3. (Carro) Correa de coiro, pequena e con asas, que pasa por debaixo do pescozo da vaca ou do boi para aseguralos ás cangallas do xugo.
   • Sinónimos: abrocha, apear, cádiga, cadigueiro, ladrizo, pealla, pialla, pioga.
   • Exemplo: Axustoulle a barbela ao boi para que non lle fixese dano ao animal.
     
     
4. (Botánica) Estilos das flores femininas que, agrupadas en espiga, forman a mazaroca do millo, en forma de peluxe dourada.
   • Sinónimos: barba, barbuxa.
   • Exemplo: Unha infusión de barbela do millo irache moi ben contra eses cólicos.
     
     
5. Por extensión, parte inferior da cabeza dalgúns peixes, cando é carnosa e avultada.

Traducións

• Castelán: (1) barbilla ^(es); (2) papada ^(es); (4) barbas de maíz ^(es).