aparato

Galego

• Etimoloxía: do latín apparātus, -ūs, 'preparación', 'preparativo'; 'pompa', 'suntuosidade'.

Teléfono dixital, exemplo dun aparato.

Esquema do aparato ou aparello respiratorio humano.

• Pronuncia: /apaˈɾato̯/ (AFI)

Substantivo masculino

aparato (sg: aparato; pl: aparatos)

1. (Tecnoloxía) Obxecto constituído por varias pezas montadas entre si que cumpren, en conxunto ou unha tras outra, unha función determinada.
   • Exemplo: Colecciono aparatos de radio.
     
     
2. (Bioloxía) Conxunto de órganos e tecidos que cumpre unha función determinada.
   • Exemplo: Éche o mellor especialista en aparato dixestivo.
     
     
3. (Política) Conxunto de organismos ou colectivos que concorren para cumprir un mesmo fin.
   • Exemplo: Un cambio de goberno non pode poñer en perigo o aparato do Estado.
     
     
4. Grandeza e luxo vaidosos que se visualiza nun acto.
   • Exemplo: A voda do Presidente do Goberno celebrouse cun grande aparato.
     
     

Observacións

• 1. Aínda que algúns autores empregan, en determinados contextos, os termos aparato e aparello como sinónimos, en galego, como noutros idiomas romances, talvez cumpriría facer a distinción entre aparello, no sentido de dispositivo, mecanismo, etc., e aparato, co significado de pompa, boato, ostentación, etc.
  Cf. portugués aparato/aparelho; catalán aparat/aparell, francés apparat/appareil.
• 2. Na 1ª e na 2ª acepcións úsase coimo sinónimo aparello. Na 1ª, ademais, úsase tamén como sinónimo máquina. E na 4ª acepción son sinónimos fasto, ostentación e pompa.

Véxase tamén

aparello

Termos relacionados

aparato circulatorio, aparato dixestivo, aparato excretor, aparato reprodutor, aparato respiratorio

Traducións

• Castelán: aparato ^(es).
• Catalán: aparell ^(ca).
• Francés: appareil ^(fr).