abertura

Galego

• Etimoloxía: do latín apertūra, -ae.

• Pronuncia: [a.βɛɾˈtu.ɾɐ] (AFI)

Substantivo feminino

abertura (sg: abertura; pl: aberturas)

1. Acción e efecto de abrir ou abrirse.
2. Fenda, buraco, greta ou boqueiro nunha parede ou nun valado.
3. Greta formada na terra pola sequidade, secura ou por unha seca.
4. Diámetro útil duns anteollos, telescopio ou obxectivo.
5. (Anatomía) Calquera orificio que dá paso a un órgano tubular.
   • Exemplo: Abertura vaxinal.
     
     
6. (Fonética) Amplitude con que os órganos de fonación facilitan o paso do aire.
7. (Mariña) Separación entre os castelos dun barco.
8. Separación entre as liñas dun ángulo.
9. (Figurado) Sinceridade no trato e na conversa.

Sinónimos

• Apertura, fenda, greta, boqueiro.

Termos relacionados

• Abertura abdominal da trompa uterina, abertura cérvico-ítsmica, abertura cloacal, abertura coronaria, abertura dos sacos polínicos, abertura interna da trompa uterina, abertura piriforme, abertura uterina, abertura vaxinal, abertura xerminal.

Traducións

• Castelán: abertura ^(es)