Galego

remoer

(Zooloxía) Regurxitar un bocado de comida, o bolo alimentario; e realizar unha segunda mastigación do alimento, fenómeno fisiolóxico propio dos animais ruminantes.
- Sinónimos: rumiar.
- Observacións: Nos ruminantes, a inxestión dos alimentos é seguida dunha rápida deglución, case sen mastigar, para a súa fermentación no rume, primeiro dos preestómagos. Posteriormente, en momentos de repouso, realízase a remoeira, unha segunda mastigación profunda e completa do bolo alimenticio.
- Exemplo: Boi que remoe, nada lle doe.
(Figurado) Dar moitas voltas a un asunto intentando atoparlle solución.
- Exemplo: Levo todo o día remoendo o que me dixeches e sigo sen saber que facer.
- Sinónimos: rumiar.
(Figurado) Comer moito e durante moito tempo.
- Exemplo: Pedriño foi enchendo o bandullo e dispois de cinco horas de remoer sen acougo, deuse por vencido no derradeiro prato.
  
  (Castelao: Os dous de sempre)
Moer, por segunda vez, un produto.
Virar un carro movendo as súas rodas en direccións opostas, pero sen avanzar.
- Sinónimos: roncear, rousar.

Verbo semirregular da 2ª conxugación

**Formas impersoais**
Infinitivo	remoer
Xerundio	remoendo
Participio	remoído, remoída, remoídos, remoídas

¹ Vostede(s)