entrada

Galego

Substantivo feminino

entrada (sg: entrada; pl: entradas)

1. Acción de entrar.
   • Exemplo: Todos estaban preparados para berrar «Sorpresa!» en canto a persoa que estaba de aniversario fixese a súa entrada pola porta.
     
     
   • Antónimos: saída.
   • Termos relacionados: aparecemento, aparición.
2. Espazo por onde se entra.
   • Exemplo: Na entrada do restaurante teñen unha táboa co menú do día.
     
     
   • Sinónimos: acceso.
   • Antónimos: saída.
   • Termos relacionados: porta.
3. Billete que outorga o dereito a asistir a un espectáculo público.
   • Exemplo: Nunha tarde esgotáronse todas as entradas para o concerto.
     
     
   • Termos relacionados: reserva.
4. Cada un dos dous ángulos entrantes que forma o cabelo a cada lado da parte superior da cabeza.
   • Exemplo: Ten unhas entradas moi pronunciadas, vese que coa idade vai quedar calvo.
     
     
   • Termos relacionados: calva.
5. (Lingüística) Palabra que se define nunha obra lexicográfica.
   • Exemplo: O Galizionario conta actualmente con 86.104 entradas.
     
     
   • Sinónimos: lema.