Galego

Etimoloxía: do latín classĭcus, da primeira clase social, distinguido, da primeira orde.

clásico (ms: clásico; mpl: clásicos; fs: clásica; fpl: clásicas)

Relativo ou pertencente á época de maior apoxeo dunha cultura, civilización, arte, etc.
- Exemplo: Arquitectura de estilo clásico
  
  .
Reltivo ou pertencente ao momento histórico dunha ciencia na que se estableceron teorías e modelos que son a base do seu desenvolvemento posterior.
- Exemplo: No século XVIII, con Linnneo, sentáronse as bases da clásica nomenclartura biolóxica
  
  .
Relativo ou pertencente ás antigas civilizacións grega e romana.
- Exemplo: Horacio e Virxilio son escritores clásicos
  
  .
Relativo ou pertencente á música de tradición culta.
- Exemplo: É un amante da música clásica
  
  .
Conforme a uns modelos ou normas establecidos.
- Exemplo: Un traxe de corte clásico. Foi unha conferencia clásica, con introdución, exposición e conclusións
  
  .
Que é típico e habitual.
- Exemplo: E despois faremos a clásica churrascada
  
  .
Obra, ou autor, que polas súas características se considera entre os máis importantes e representativos do seu xénero.
- Exemplo: Un filme clásico do cine de terror
  
  .

Escritor da antigüidade clásica grecolatina.
- Exemplo: Breve percorrido polos mellores clásicos gregos
  
  .
Mestre ou obra mestra dun campo do saber, dunha literatura ou doutras artes.
- Exemplo: Rosalía é un dos grandes clásicos galegos. Amais deste clásico da física, reprodúcese nestas páxinas o manuscrito dun dos máximos coñecedores da obra de Einstein
  
  .

Nota: Redacción baseada en datos do Dicionario da RAG, do Gran dicionario Xerais da lingua e do Diccionario da Real Academia Española.