cabeceiro

Galego

• Pronuncia: [ka.βeˈθej.ɾʊ] (AFI)

Substantivo masculino

cabeceiro (sg: cabeceiro; pl: cabeceiros)

1. Bolsa dun material suave e chea de materia branda e esponxosa que se coloca na cabeceira da cama para apoiar a cabeza.
   • Sinónimos: almofada, cabezal.
2. Correa ou corda que se emprega para prender pola cabeza as cabalarías.
   • Sinónimos: cabezada.
3. Parte dunha leira onde non chega o arado ─por non poder virar os bois─ que posteriormente se labra de través.
   • Sinónimos: cadabullo, cadullo, coudullo.
4. Cada un dos sucos arados nun cabeceiro¹.
   • Sinónimos: cadabullo, cadullo, coudullo.
5. Franxa de terra sen cultivar que se deixa de lindeiro entre dúas leiras.
   • Sinónimos: coudullo.
6. En certas artes de pesca, bordos do pano dunha rede, ou bordo dunha rede que vai unido ao resto do aparello.

Traducións

• Castelán: almohada ^(es).
• Francés: (1) oreiller ^(fr). (2) licou ^(fr).
• Inglés: pillow ^(en).