Galego

Vexa na Galipedia o artigo acerca de «alerxia».

Etimoloxía: do grego antigo άλλος, -η, -ο (outro, diferente, distinto, estraño) e έργον (acto, acción, obra, traballo).

alerxia (sg: alerxia; pl: alerxias)

(Inmunoloxía) Modificación da reactividade que experimenta un organismo por contacto previo cunha substancia estraña (antíxeno), que pode ser nociva (anafilaxia) ou beneficiosa (inmunidade).
(Inmunoloxía) Máis correntemente, conxunto de reaccións adversas de tipo respiratorio, nervioso ou eruptivo producidas pola exposición dun organismo a unha substancia estraña, despois dun contacto previo coa mesma.
- Exemplo: O medicamento deulle alerxia.
(Inmunoloxía) Estado de susceptibilidade esaxerada dun individuo para unha substancia que é inocua en igualdade de cantidade e condicións para a maioría dos individuos da súa especie.
- Exemplo: Ten alerxia ao chocolate.

A definición da primeira acepción correspóndese coa dada en 1906 por Clemens von Pirquet (pediatra austríaco, 1874-1929), pero hoxe en día os sentidos que se lle dan a alerxia son os das acepcións segunda e terceira.
Como pode verse no exemplo da terceira acepción, o complemento nominal de alerxia introdúcese coa preposición a.

alerxia de contacto. (Inmunoloxía) Alerxia caracterizada por unha reacción cutánea eczematosa debida ao contacto entre a pel e un alérxeno.
alerxia endóxena. (Inmunoloxía) Alerxia na que os alérxenos se producen no propio organismo.
Probas de alerxia. (Inmunoloxía) V. proba.