cravar

Galego

• Etimoloxía: do latín clavāre, derivado de clavus, 'cravo'.

• Pronuncia: /kɾa.ˈβaɾ/ (AFI)

Verbo transitivo

cravar

1. Introducir un cravo ou outro obxecto rematado} en punta nun corpo ou nunha superficie.
   • Exemplo: Cravar puntas na parede. Cravoulle o puñal no peito
     
     .
2. Fixar con cravos ou con outros obxectos aguzados.
   • Exemplo: Cravar un cadro na parede.
     
     
3. Facer presión sobre un corpo cun un obxecto aguzado, de xeito que este quede introducido naquel.
   • Exemplo: Cravar a carne nun espeto. Cravárono nun pau.
     
     
4. Introducir involuntariamente un obxecto rematado en punta nalgunha parte do corpo.
   • Exemplo: Ía por riba dunhas táboas e cravou unha punta nun pé.
     
     
5. Fixar con intensidade os ollos, a vista, a mirada en algo ou en alguén.
   • Exemplo: Cravou os ollos naquel meniño e non deixaba de miralo
     
     .
6. (Coloquial) Cobrarlle a alguén unha cousa demasiado cara.
   • Exemplo: Cravouno, iso non custa nin a metade.
     
     

Observacións

• Nas acepcións da 1ª á 5ª seus sinónimos son chantar e espetar, e os antónimos descravar e desencravar.
• Na acepción 6ª o sinónimo é estafar.

Verbo pronominal

cravar

• Bater algo ou alguén contra un obxecto aguzado e quedar este introducido naquel.

1. • Exemplo: O balón cravouse no enreixado
     
     .

• Introducirse un obxecto aguzado nalgunha parte do corpo.

1. • Exemplo: Ao dar a volta cravóuselle un ferro nunha perna
     
     .

Observacións

• Seus sinónimos son chantarse e espetarse.