primario

Galego

• Etimoloxía: do latín primarius.

• Pronuncia: /pɾi.ˈma.ɾjo/ (AFI)

Adxectivo

primario (ms: primario; mpl: primarios; fs: primaria; fpl: primarias)

1. Que vai primeiro no tempo, ou que ocupa o primeiro grao.
   • Exemplo: O domingo celebraranse eleccións primarias. Está facendo seus estudos primarios.
     
     
2. Que é o principal, o máis importante ou necesario.
   • Exemplo: Comer, beber e durmir son necesidades primarias.
     
     
3. (Xeoloxía) Relativo ou pertencente á era primaria.
   • Exemplo: Fixo un estudo sobre as rochas ígneas primarias.
     
     
4. (Física) En electricidade, dise da corrente de entrada nun transformador.
5. (Física) En electricidade, dito dun circuito, que é polo que flúe unha corrente primaria.

Observacións

1. Na 3ª acepción seu sinónimo é paleozoico.

Substantivo masculino

primario (sg: primario; pl: primarios)

1. (Xeoloxía) Primeira das eras xeolóxicas, que durou arredor de 300 millóns de anos.
   • Exemplo: Está a estudar as formacións xeolóxicas do primario.
     
     

Observacións

1. Seu sinónimo é paleozoico.

Substantivo feminino

primaria (sg: primaria; pl: primarias)

1. Parte do ensino obrigatorio, que en España comprende a escolarización entre os seis e os doce anos.
   • Exemplo: Miña neta estuda segundo de primaria.
     
     

Observacións

Seus sinónimos son educación primaria, ensinanza primaria e ensino primario.

Termos relacionados

acento primario, atención primaria, educación primaria, movemento primario, sector primario