enerxía

Galego

Un foguete espacial ten unha gran cantidade de enerxía química no combustíbel

Locomotora antiga de vapor, que transforma enerxía química en enerxía cinética

• Etimoloxía: do latín tardío energīa, e este do grego antigo ἐνέργεια enérgeia, 'actividade', 'operación; de ἐνεργóς energós, 'forza de acción' ou 'forza de traballo'.

• Pronuncia: /ɛ.nɛɾ.'ʃia̯/ (AFI)

Substantivo feminino

enerxía
(sg: enerxía; pl: enerxías)

1. Termo que ten diversas acepcións e definicións, relacionadas coa idea dunha capacidade para obrar, xurdir, transformar ou poñer en movemento.
2. (Física) Todo aquilo que pode transformarse en calor, traballo mecánico (movemento) ou radiación electromagnética, como a luz, mediante procesos físicos, e que pode ocorrer de xeito natural e espontáneo ou grazas a unha máquina (por exemplo un motor, unha caldeira, un refrixerador, un altofalante, unha lámpada) ou tamén a un ser vivo.
   • Exemplo: Hai moitas formas de enerxía.
     
     
3. (Física) A unidade de enerxía no Sistema Internacional de Unidades é o joule.
4. (Historia) O concepto de enerxía, que é un dos conceptos esenciais da física, naceu no século XIX, e pódese atopar en todas as disciplinas da física (mecánica, termodinámica, electromagnetismo, mecánica cuántica, etc., así como noutras, particularmente na química.
   • Exemplo: As enerxías más utilizadas no século XIX eran a madeira, a auga e o vento.
     
     
5. Nunha persoa, capacidade física ou moral que permite realizar algo.
   • Exemplo: É un neno cheo de enerxía. Protestou con enerxía.
     
     

Termos relacionados

enerxía alimentaria, enerxía alternativa, enerxía atómica, enerxía cinética, enerxía de ionización, enerxía eléctrica, enerxía eólica, enerxía escura, enerxía hidráulica, enerxía mareomotriz, enerxía mecánica, enerxía nuclear, enerxía potencial, enerxía química, enerxía radiante, enerxía renovábel, enerxía solar, enerxía termonuclear, enerxía total, enerxía xeotérmica, cuanto de enerxía, unidades de enerxía