crema

Galego

• Etimoloxía: do francés crème.

• Pronuncia: /ˈkɾɛma̝/ (AFI)

Substantivo feminino

crema (sg: crema; pl: cremas)

1. (Alimentación) Materia graxa do leite.
2. (Alimentación) Substancia feita con xemas de ovos, leite, azucre e fariña, normalmente aromatizada con vainilla, canela ou limón, usada en pastelaría.
   • Sinónimos: crema pasteleira.
3. Produto brando e consistente para o coidado da pel, entre outros usos.
4. (Alimentación) Licor espeso, cun contido de azucre por riba dos 250 g por l, e de entre 24° e 30°, aínda no caso de ser de leite concentrado ou augardentes compostas será de 15° e 18° a súa graduación alcohólica.
   • Termos relacionados: crema de augardente, crema de whisky.
5. (Alimentación) Comida semilíquida cunha consistencia espesa e de textura uniforme.
6. (Figurado) Parte mellor ou máis selecta dun conxunto.

Termos relacionados

• crema bávara, crema bavaresa
• crema catalá
• crema de bagazo
• crema de grosellas negras, cassis
• crema de ovo, natillas
• crema de whisky
• crema pasteleira
• cremoso

Substantivo masculino

crema (sg: crema; pl: cremas)

1. Cor branca amarelada.

Adxectivo

crema (ms: crema; mpl: cremas; fs: crema; fpl: cremas)

1. Desta cor.

Traducións

• Italiano: crema ^(it)
• Portugués: creme ^(pt)

Italiano

Substantivo feminino

crema

1. Crema.