compromiso

Galego

• Etimoloxía: do latín compromissum.

• Pronuncia: /kom.pɾo.ˈmi.so/ (AFI)

Substantivo masculino

compromiso (sg: compromiso; pl: compromisos)

1. Obriga que alguén contrae por un acordo, documento, promesa, etc.
   • Exemplo: Un compromiso verbal. Pola súa enfermidade anulou todos os seus compromisos.
     
     
2. Acordo pactado entre distintas partes.
   • Exemplo: Foron capaces de chegar a un compromiso.
     
     
3. Promesa de matrimonio.
   • Exemplo: Luís e Laura anunciaron nas redes sociais seu compromiso ao ano de coñecerse
     
     .
4. Dificultade pola que pasa alguén.
   • Exemplo: Estou nun compromiso.
     
     
5. Delegación que, para prover certos cargos eclesiásticos ou civís, fan os electores nun ou máis deles a fin de que designen ao que teña que ser nomeado.
   • Exemplo: O Compromiso de Caspe.
     
     
6. (Dereito) Convenio entre litigantes, polo cal someten seu litixio a árbitros ou amigábeis compoñedores.
7. (Dereito) Escritura ou instrumento en que as partes outorgan un compromiso.

Termos relacionados

contrato de compromiso, de compromiso, sen compromiso