matar

Galego

• Pronuncia: /maˈtaɾ/ (AFI)

Verbo

matar

1. (trans. e pron.) Privar da vida a unha persoa ou animal.
   • Exemplo: Matou os dous fillos. Perdeuno todo e matouse.
     
     
   • Sinónimos: suicidar.
2. Perde-la vida.
   • Exemplo: Matáronse nun accidente de avión.
     
     
   • Sinónimos: morrer.
3. Apagar (a luz, o candil, o lume).
   • Sinónimos: apagar.
4. Calmar, satisfacer (a sede, a fame).
   • Sinónimos: apagar, calmar.
5. Quita-la saúde.
   • Exemplo: O tabaco mata.
     
     
6. Acabar coa esperanza.
7. Sacrificarse por algo, esforzarse sobremaneira.
   • Exemplo: Non te mates, non paga a pena.
     
     
8. Disipar, esvaecer, debilitar, borrar, atenuar.
9. Causar chagas os apeiros á besta, causar amatas.

Traducións

• Francés: tuer ^(fr).
• Inglés: kill ^(en).
• Portugués: matar ^(pt)

Exemplo

(2)

Xa non volvo á fonteliña

onde eu a sede mataba,

xa non che volvo, que contan

que lle turbaron a iauga.

Hei ir á fía esta noite,

e hei de matar o candil,

e heille mazar a cotena

a un 'majo' que campa alí.

Conxugación

Verbo regular da 1ª conxugación    

Formas impersoais

Infinitivo	matar
Xerundio	matando
Participio	matado, matada, matados, matadas

Formas persoais

		singular			plural
		primeira	segunda	terceira	primeira	segunda	terceira
Modo Indicativo	Presente	mato	matas	mata	matamos	matades	matan
	Copretérito	mataba	matabas	mataba	matabamos	matabades	mataban
	Pretérito	matei	mataches	matou	matamos	matastes	mataron
	Antepretérito	matara	mataras	matara	mataramos	matarades	mataran
	Futuro	matarei	matarás	matará	mataremos	mataredes	matarán
	Pospretérito	mataría	matarías	mataría	matariamos	matariades	matarían
Modo Subxuntivo	Presente	mate	mates	mate	matemos	matedes	maten
	Pretérito	matase	matases	matase	matásemos	matásedes	matasen
	Futuro	matar	matares	matar	matarmos	matardes	mataren
Modo Imperativo	Afirmativo		mata	mate1	matemos	matade	maten1
	Negativo		mates	mate1	matemos	matedes	maten1
Infinitivo conxugado		matar	matares	matar	matarmos	matardes	mataren

1 Vostede(s)

Expresións relacionadas

• Dar a matar: golpear a alguén con forza, con violencia, deixándoo malferido.
• Estar a matar: estar enemistado, estar a mal.
• Levarse a matar: estar enemistado, estar a mal.
• Matalas calando: facer algo ás agachadas, dicir algo por detrás, co obxectivo de conseguir un beneficio sen darse a coñecer.
• Mata-lo bicho: aplaca-la fame. Equivale ó castelán Matar el gusanillo.
• Mata-lo tempo: pasa-lo tempo en facer calquera cousa con tal de non aburrirse.
• Matar dous paxaros dun tiro: conseguir simultaneamente dúas cousas cun esforzo común.
• Matar peixe: pescar, capturar peixe. Cando se pesca en abundancia dise tamén Mata-lo porco.
• Pórse a matar: enfrontarse con alguén, enemistarse.
• ¡Que me maten!: exclamación que pretende garanti-la veracidade do que se conta.
• Quedar como quen ceba e non mata: perder algo que se daba por seguro.
• A quen matares o pai, non lle críes o fillo.
• Mata e matarante, e xa matarán a quen te mate.
• Matalas calando, e tomalas con tento.
• Matarás, matarte han, e a quen te mate matarán.
• Moito te matas, e non te decatas.
• Na paz e na guerra, o que matan morto queda.
• Ó matar os porcos, praceres e xogos; ó comer as morcillas, praceres e risas; e ó pagar os diñeiros, doos choriqueiros.
• O que a uns mata, a outros sana.
• O que non mata engorda..
• Uns matan e outros esfolan.

Portugués

Verbo

matar

1. Matar.