Galego

Etimoloxía: do latín defectus (carencia, falta); derivado do latín deficere (faltar).

defecto (sg: defecto; pl: defectos)

Imperfección física ou moral.
- Exemplo: Defecto visual. Defecto de fabricación. A envexa é o seu principal defecto.
Falta, ausencia, carencia de algo que usualmente debería existir.
- Exemplo: A película non está mal, pero ten varios defectos.
- Sinónimos: deficiencia, eiva, fallo, falta.
(Cristalografía) Diferenza entre a estrutura tridimensional ideal dun cristal obtido no cero absoluto e a estrutura dun sólido real.
- Exemplo: O cristal perfecto, é dicir, sen defectos, non existe máis ca no cero absoluto.
(Medicina) Lesión anatómica ou funcional consecuencia doutra que xa curou, pero que deixou secuelas.
- Exemplo: Ten un defecto no pé.
- Sinónimos: (popular): eiva.