crítica

Galego

• Etimoloxía: do latín critĭca, e este do grego antigo κριτική kritikḗ.

• Pronuncia: /'kɾi.ti.ka̯/ (AFI)

Adxectivo

crítica (sg: crítica; pl: críticas)

1. Pertencente ou relativo á crítica.
   • Exemplo: Opinión crítica.
     
     
2. Pertencente ou relativo á crise.
   • Exemplo: A fase crítica da enfermidade.
     
     
3. Que decide a sorte de alguén ou de algo, que supón un cambio importante.
   • Exemplo: As conversacións sobre a paz mundial chegaron a un punto crítico. Idade crítica.
     
     

Observacións

• Na 2ª acepción seu sinónimo é grave.
• Na 3ª acepción seu sinónimo é decisivo.

Substantivo

1. Persoa que se dedica á crítica.
   • Exemplo: É unha importante crítica de cine
     
     .

Substantivo feminino

1. Acción e efecto de criticar.
   • Exemplo: O discurso do xefe da oposición foi unha crítica clara da situación política actual.
     
     
2. Actividade ou arte de xulgar obras literarias ou artísticas.
   • Exemplo: Crítica literaria. Crítica de cine.
     
     
3. Xuízo ou conxunto de xuízos sobre unha obra artística, literaria, etc.
   • Exemplo: Fixo unha dura crítica daquea obra de teatro. O seu libro recibiu moi boas críticas.
     
     
4. Conxunto de persoas que se dedican a esta actividade.
   • Exemplo: Toda a crítica coincidiu en que é unha grande obra.
     
     

Termos relacionados

crítica textual, edición crítica, idade crítica, masa crítica, presión crítica, temperatura crítica.