porco celta

Galego

Exemplar de porco celta na Feira de Silleda

• Etimoloxía: de porco e celta.

• Pronuncia: /ˈpɔɾko̝ ˈθɛlta̝/ (AFI)

Locución substantiva masculina

porco celta

1. (Gandaría) Variedade de raza porcina que até comezos do século XX era a maioritaria en Galicia. Son animais grandes, que tardan en medrar, con cabeza grande e orellas longas. Pode ser de cor totalmente rosada, con manchas grises, ou todo negro. A súa gran rusticidade permítelle adaptarse perfectamente aos bosques autóctonos galegos, onde pasta e aproveita recursos naturais estacionais como castañas e landras.
   • Exemplo: Este ano comezarei a criar porcos celtas.
     
     
   • Observacións: Despois de estar a piques de desaparecer durante os anos oitenta, desde 1999 está a rexurdir a cabana noutrora maioritaria en Galicia, despois de ser desprazada por novas razas que ofrecían un maior crecemento.

Traducións

• Catalán: porc celta ^(ca)
• Francés: porc celte ^(fr)
• Inglés: celtic pig ^(en)
• Italiano: maiale celtico ^(it)
• Portugués: porco celta ^(pt)