herba luísa
Galego
Locución substantiva feminina
herba luísa (sg: herba luísa; pl: herbas luísas)
- (Botánica) Arbusto da familia das Verbenaceae orixinario de Sudamérica que acada entre 3 e 7 m de altura, con talos subleñosos ou leñosos na parte superior. Presenta follas verticiladas de até 7 cm, de forma lanceolada, apicada, ca marxe lisa ou dentada e o pecíolo moi curto. Son de cor verde claro polo feixe, co envés marcado por glándulas oleosas ben visibles. Posúe normalmente flores pequenas esbrancuxadas ou branco-violáceas, agrupadas en espigas. Cun aroma a limón, emprégase na gastronomía como especia e para infusións dixestivas, así como planta ornamental.
Traducións
- Nome científico: Aloysia citrodora, Aloysia triphylla, Verbena triphylla, Verbena citriodora, Lippia triphylla, Lippia citriodora...
- Alemán: Zitronenverbene (de), Zitronenstrauch (de)
- Castelán: cedrón (es), hierba luisa (es), verbena de Indias (es)
- Catalán: marialluïsa (ca)
- Francés: verveine (fr), verveine citronelle (fr), verveine odorante (fr)
- Inglés: lemon verbena (en), lemon beebrush (en)
- Italiano: verbena odorosa (it)
- Latín: Lippia triphylla (la), Lippia citriodora (la)
- Polaco: lippia trójlistna (pl)
- Portugués: bela-luísa (pt), erva-luísa (pt)