Galego

Etimoloxía: do latín científico globǔlus, -i, diminutivo de globus, -i (globo, esfera).

glóbulo (sg: glóbulo; pl: glóbulos)

Definición impropia: Diminutivo de globo.
Corpo esférico de moi pequeno tamaño.
- Exemplo: Glóbulo polar.
(Histoloxía) Célula libre, de forma arredondada, propia dos líquidos do medio interno dos metazoos (sangue, linfa, plasma intersticial), que ten funcións relacionadas ben co transporte de substancias, ben coa defensa do organismo.
- Exemplo: Os glóbulos do sangue. Glóbulo branco.
- Sinónimos: célula sanguínea.
(Medicina e farmacia) Cada un dos preparados esféricos de pequeno volume que se administra en terapéutica homeopática.

Locucións:

Glóbulo branco. (Histoloxía e Hematoloxía) Leucocito.
Glóbulo graxo. (Bioloxía) Cada unha das pequenas gotas microscópicas (de 2 a 5 μ) que constitúen a emulsión da materia graxa no leite.
Glóbulo polar. (Bioloxía) Corpúsculo polar. V. corpúsculo.
Glóbulo vermello. (Histoloxía e hematoloxía) Eritrocito.