varíola
Galego
- Etimoloxía: do latín tardío variolam, acusativo de variola, diminutivo de varus, 'bostela'.
- Pronuncia: /va.ˈɾio.la/ (AFI)
Substantivo feminino
varíola (sg: varíola; pl: varíolas)
- (Medicina) A varíola foi unha enfermidade infecciosa moi grave, altamente contaxiosa, que se deu unicamente nos seres humanos, que estaba causada por dúas variantes do virus Variola virus que daban lugar a dúas formas clínicas, nomeadas cientificamente Variola major e Variola minor. A V. major, a forma máis mortífera, alcanzaba unha proporción de mortalidade do 3 ao 35 % dos afectados, mentres que a V. minor producía a morte ao 1 % das vítimas. Outros efectos menores normalmente incluían vexigas ou bostelas na pel (de aí a denominación popular en galego de "vexigas" para designar a doenza) e, ocasionalmente, cegueira, debido á ulceracións na córnea. Non houbo nin hai tratamento específico para as vexigas e a única forma de prevención sería a vacinación. Pero a primeira vacina non foi descuberta até finais do século XIX (1796), polo médico inglés Edward Jenner. A rápida expansión da vacina a todo o mundo, na que tivo unha grande importancia a Real Expedición Filantrópica da Vacina, dirixida polo médico alacantino Francisco Xavier Balmis, co patrocinio do rei Carlos IV de España, ocasionou que esta enfermidade fora diminuíndo. O último caso de varíola notificouse en 1977, segundo a Organización Mundial da Saúde, e foi declarada erradicada o 8 de maio de 1980 na 33ª Asemblea Mundial da Saúde. Actualmente a vacina xa non se administra agás en casos moi especiais como son os dos traballadores en laboratorios nos que se conserva o virus ou a equipos de intervención preparados para combater un hipotético abrocho.
Sinónimos
Véxase tamén
Edward Jenner, Francisco Xavier Balmis, Real Expedición Filantrópica da Vacina, vacina, Variola virus.