ichavo

Galego

• Etimoloxía: do castelán ochavo.

• Pronuncia: /iˈt͡ʃaβo/ (AFI)

• Escoitar: «ichavo» (Ficheiro ─ axuda)

Substantivo masculino

Moeda de dous maravedís de 1744.

ichavo (sg: ichavo; pl: ichavos)

1. Antiga moeda española de cobre, cun valor de dous maravedís, acuñada desde o reinado de Filipe III até mediados do século XIX. Recibe o seu nome por pesar orixinariamente un oitavo de onza, se ben co paso do tempo foi perdendo peso malia conservar o seu valor.
   • Exemplo: Agora Bieito ten un ichaviño pendurado na súa leontina de ouro e ten unha mágoa na hucha do peito
     
     (Castelao: Cousas, do relato "Cando Bieito quedou orfo").
   • Exemplo: Ichaviño a ichaviño vou juntando un realciño
     
     (Juan Sobreira Salgado: Papeletas de un diccionario gallego, 1792-1797).
   • Exemplo: O que ichavo nace nunca a carto chega
     
     (Eladio Rodríguez González: Diccionario enciclopédico gallego-castellano, 1958-1961).

Termos relacionados

• ochavo
• can, cadela, carocha