Galego

Etimoloxía: do galego-portugués contar, do latín computāre.

Pronuncia: /konˈtaɾ/ (AFI)

Verbo transitivo

contar

Determinar o número de elementos dun conxunto, asignándolles ou dicindo os números por orde.
- Sinónimos: computar, enumerar, calcular
- Termos relacionados: número, conta, cómputo, cantidade
- Exemplo: O pastor púxose a contar as ovellas para ver se lle faltaba algunha.
- Exemplo: Contou as persoas que asistiron á reunión.
Ir dicindo ou enumerando os números por orde.
- Sinónimos: enumerar, numerar
- Termos relacionados: número, serie, orde, enumeración
- Exemplo: O neno xa sabe contar ata dez.
- Exemplo: Pediulle que contase de dous en dous.
Incluír algo ou alguén nunha lista, relación, conta ou conxunto.
- Sinónimos: incluír, incorporar, comprender, meter
- Antónimos: excluír, omitir, deixar fóra
- Termos relacionados: lista, relación, conxunto, inclusión
- Exemplo: Non o contaron entre os posibles candidatos a presidente.
- Exemplo: Cóntao entre os seus grandes amigos.
Ter en consideración algo ou alguén, especialmente para valorar unha decisión.
- Sinónimos: valorar, considerar, ter en conta, apreciar
- Antónimos: desprezar, ignorar, desconsiderar
- Termos relacionados: valoración, mérito, consideración, criterio
- Exemplo: Contáronlle os seus méritos á hora de elixilo.
- Exemplo: Non lle contaron a súa contribución ao desenvolvemento cultural do país.
Ter a esperanza de que algo aconteza.
- Sinónimos: esperar, agardar, confiar
- Antónimos: desconfiar, desesperar
- Termos relacionados: esperanza, confianza, previsión, expectativa
- Exemplo: Conto vervos mañá.
- Exemplo: Contaba chegar alí á noite.
Ter unha determinada idade.
- Sinónimos: ter, cumprir, andar
- Termos relacionados: idade, ano, tempo, antigüidade
- Exemplo: Contaba vinte anos cando marchou para fóra.
- Exemplo: Eu contaba cinco anos cando morreu meu pai.
Expoñer oralmente un conto, historia, lenda, suceso ou acontecemento.
- Sinónimos: narrar, relatar, referir, contar
- Antónimos: calar, ocultar, silenciar
- Termos relacionados: conto, historia, relato, narración
- Exemplo: Cóntame que che pasou.
- Exemplo: O meu avó contounos unha historia moi fermosa ao pé da lareira.

Verbo intransitivo

contar

Ter importancia, valor ou influencia para algo.
- Sinónimos: importar, valer, pesar, influír
- Antónimos: non importar, carecer de importancia
- Termos relacionados: importancia, valor, influencia, mérito
- Exemplo: Eses méritos non contan para nada neste concurso.
- Exemplo: Non conta a forza, senón a intelixencia.
(contar con) Dispoñer da cousa ou persoa que se expresa.
- Sinónimos: dispoñer de, ter, posuír, dispor de
- Antónimos: carecer, faltar, non ter
- Termos relacionados: recurso, medio, axuda, dispoñibilidade
- Exemplo: Non conta cos medios necesarios para desenvolver unha actividade plena.
- Exemplo: Contou coa axuda do xefe para a súa promoción.
(contar con) Incluír algo ou alguén na participación dunha cousa.
- Sinónimos: incluír, ter en conta, considerar, incorporar
- Antónimos: excluír, deixar fóra, prescindir
- Termos relacionados: participación, proxecto, colaboración, equipo
- Exemplo: Para realizar este proxecto é necesario contar con el.
- Exemplo: Se organizades a viaxe, contade comigo.
(contar con) Esperar ou confiar en que algo aconteza como se prevé.
- Sinónimos: esperar, agardar, confiar
- Antónimos: desconfiar, descartar
- Termos relacionados: previsión, expectativa, confianza, esperanza
- Exemplo: Conto con que mañá non chova para poder ir de excursión.
- Exemplo: Non contabamos con que a reunión durase tanto.
(contar con) Ter certa idade, antigüidade ou tempo de existencia.
- Sinónimos: ter, sumar, acadar
- Termos relacionados: idade, antigüidade, tempo, anos
- Exemplo: Este monumento conta con máis de cen anos.
- Exemplo: A asociación conta xa con tres décadas de historia.

Verbo pronominal

contarse

Incluírse unha persoa ou cousa dentro dun grupo, lista ou conxunto.
- Sinónimos: incluírse, figurar, estar
- Antónimos: excluírse, quedar fóra
- Termos relacionados: grupo, lista, conxunto, inclusión
- Exemplo: Entre os asistentes contábanse varios profesores da universidade.
- Exemplo: No inventario contábanse máis de cen pezas.
Narrarse ou relatarse un conto, historia ou suceso.
- Sinónimos: narrarse, relatarse, referirse
- Termos relacionados: conto, historia, relato, narración
- Exemplo: Na miña casa contábanse moitas historias de medo.
- Exemplo: Esta lenda aínda se conta nalgunhas aldeas.

Expresións relacionadas

Termos relacionados

Traducións

1-2. Determinar ou dicir números

Catalán: comptar ^(ca), contar ^(ca)
Alemán: zählen ^(de), abzählen ^(de)
Inglés: count ^(en)
Castelán: contar ^(es)
Francés: compter ^(fr), dénombrer ^(fr)

Italiano: contare ^(it)
Portugués: contar ^(pt)
Ruso: считать ^(ru), подсчитывать ^(ru)
Chinés: 数 ^(zh), 计算 ^(zh), 清点 ^(zh)
Vasco: zenbatu ^(eu), kontatu ^(eu)

3-4. Incluír ou valorar

Catalán: comptar ^(ca), incloure ^(ca), valorar ^(ca)
Alemán: einbeziehen ^(de), berücksichtigen ^(de), werten ^(de)
Inglés: include ^(en), count ^(en), take into account ^(en)
Castelán: contar ^(es), incluir ^(es), valorar ^(es)
Francés: compter ^(fr), inclure ^(fr), prendre en compte ^(fr)

Italiano: contare ^(it), includere ^(it), valutare ^(it)
Portugués: contar ^(pt), incluir ^(pt), valorizar ^(pt)
Ruso: включать ^(ru), учитывать ^(ru), оценивать ^(ru)
Chinés: 包括 ^(zh), 算入 ^(zh), 考虑 ^(zh)

5-6. Esperar ou ter idade

Catalán: comptar ^(ca), esperar ^(ca), tenir ^(ca)
Alemán: rechnen mit ^(de), zählen ^(de), alt sein ^(de)
Inglés: expect ^(en), count on ^(en), be ^(en)
Castelán: contar ^(es), esperar ^(es), tener ^(es)
Francés: compter ^(fr), espérer ^(fr), avoir ^(fr)

Italiano: contare ^(it), aspettarsi ^(it), avere ^(it)
Portugués: contar ^(pt), esperar ^(pt), ter ^(pt)
Ruso: рассчитывать ^(ru), ожидать ^(ru), иметь возраст ^(ru)
Chinés: 指望 ^(zh), 预计 ^(zh), 有…岁 ^(zh)

7. Narrar ou relatar

Catalán: contar ^(ca), explicar ^(ca), narrar ^(ca)
Alemán: erzählen ^(de), berichten ^(de)
Inglés: tell ^(en), narrate ^(en), relate ^(en)
Castelán: contar ^(es), narrar ^(es), relatar ^(es)
Francés: raconter ^(fr), narrer ^(fr), relater ^(fr)

Italiano: raccontare ^(it), narrare ^(it)
Portugués: contar ^(pt), narrar ^(pt), relatar ^(pt)
Ruso: рассказывать ^(ru), повествовать ^(ru)
Chinés: 讲述 ^(zh), 叙述 ^(zh)
Vasco: kontatu ^(eu), esan ^(eu)

Intransitivo. Importar ou contar con

Catalán: comptar ^(ca), importar ^(ca), comptar amb ^(ca)
Alemán: zählen ^(de), wichtig sein ^(de), verfügen über ^(de), rechnen mit ^(de)
Inglés: matter ^(en), count ^(en), count on ^(en), have ^(en)
Castelán: contar ^(es), importar ^(es), contar con ^(es)
Francés: compter ^(fr), importer ^(fr), compter sur ^(fr), disposer de ^(fr)

Italiano: contare ^(it), importare ^(it), contare su ^(it), disporre di ^(it)
Portugués: contar ^(pt), importar ^(pt), contar com ^(pt), dispor de ^(pt)
Ruso: иметь значение ^(ru), рассчитывать на ^(ru), располагать ^(ru)
Chinés: 重要 ^(zh), 依靠 ^(zh), 拥有 ^(zh)

Conxugación

Verbo regular da 1ª conxugación

**Formas impersoais**
Infinitivo	contar
Xerundio	contando
Participio	contado, contada, contados, contadas

**Formas persoais**
		singular			plural
		primeira	segunda	terceira	primeira	segunda	terceira
Modo Indicativo	Presente	conto	contas	conta	contamos	contades	contan
	Copretérito	contaba	contabas	contaba	contabamos	contabades	contaban
	Pretérito	contei	contaches	contou	contamos	contastes	contaron
	Antepretérito	contara	contaras	contara	contaramos	contarades	contaran
	Futuro	contarei	contarás	contará	contaremos	contaredes	contarán
	Pospretérito	contaría	contarías	contaría	contariamos	contariades	contarían
Modo Subxuntivo	Presente	conte	contes	conte	contemos	contedes	conten
	Pretérito	contase	contases	contase	contásemos	contásedes	contasen
	Futuro	contar	contares	contar	contarmos	contardes	contaren
Modo Imperativo	Afirmativo		conta	conte¹	contemos	contade	conten¹
Modo Imperativo	Negativo		contes	conte¹	contemos	contedes	conten¹
Infinitivo conxugado		contar	contares	contar	contarmos	contardes	contaren

¹ Vostede(s)

Referencias

Definicións no Dicionario da Real Academia Galega para contar.

«contar» no DIGALEGO, Ir Indo.

Castelán

Etimoloxía: do latín computāre.

Verbo

contar

Contar.

Catalán

Etimoloxía: do latín computāre.

Verbo

contar

Contar.

Portugués

Etimoloxía: do galego-portugués contar, do latín computāre.

Verbo

contar

Contar.