Santa Cristina de Vea
Galego
Etimoloxía: de santa Cristina e Vea, pola advocación da parroquia a santa Cristina de Bolsena. O nome persoal Cristina é un nome cristián derivado do nome de Cristo, documentado desde o século IV.[1] Cabeza Quiles sinala que santa Cristina de Bolsena foi unha mártir do século III e documenta a parroquia en 1514 como Santa Cristina de Bea, na expresión «Gonçaluo Abril, clérigo de Santa Cristina de Bea». O topónimo Vea procede do nome do río Vea, hidrónimo prerromano que, segundo a proposta de E. Bascuas recollida por Cabeza Quiles, puido formarse a partir da raíz indoeuropea *wel- «facer xirar, xirar, dar voltas; auga que fai remuíños», base da forma medieval Velegia, da que procedería Vea.[2]
Pronuncia: /santakɾisˈtina̝ðeˈβea̝/ (AFI)
Topónimo
Santa Cristina de Vea
- (Toponimia de Galicia) Parroquia do concello da Estrada, na provincia de Pontevedra.
- Véxase tamén: Lugares da parroquia: Barazás, Carbia, A Casa do Monte, O Castro, A Cerqueira, A Costa, Lameiriña, Maráns, Nogueira, O Outeiro, A Panadería, Riba de Vea, O Rollo, Sorribas, Tarrío, Torre do Vilar, A Torrevedra, Tracesto e Vista Alegre.
- Véxase tamén: Vexa o artigo «Santa Cristina de Vea, A Estrada» na Galipedia.
Termos relacionados
- Cristina
- Santa Cristina
- Santa Cristina de Vinseiro
- Vea
- San Xiao de Vea
- San Xurxo de Vea
- Santo André de Vea
- O Souto de Vea
- Riba de Vea
- val de Vea
Véxase tamén
- Vexa o artigo «Vea (homónimos)» na Galipedia.
Referencias
- ↑ Boullón Agrelo, Ana Isabel (coord.): «Cristina», Guía de nomes galegos. A Coruña: Real Academia Galega.
- ↑ Cabeza Quiles, Fernando (2018): Toponimia da Estrada. A Coruña: Real Academia Galega e Asociación Galega de Onomástica, pp. 157 e 159. ISBN 978-84-947823-6-7.