San Pedro de Ancorados

Galego

• Etimoloxía: de San Pedro e Ancorados, pola advocación da parroquia a san Pedro apóstolo. O nome persoal Pedro procede do latín Petrus, forma masculina de petra «pedra, rocha». O topónimo Ancorados é de orixe incerta. Segundo unha proposta de Gonzalo Hermo recollida por Cabeza Quiles, podería remontar a unha forma orixinal Encoirados, con redución irregular do ditongo, derivada de coiro, do latín corium, e facer referencia a antigos pelamios ou lugares onde se mergullaban as peles en auga para curtilas. A hipótese tería apoio nun documento de 1245 do mosteiro de Melón que cita un Johannes Arias de Encoirados, probablemente relacionado coa terra de Tabeirós. Cabeza Quiles sinala tamén o paralelo portugués Encourados, documentado no século XIII como Encoirados. A parroquia aparece documentada en 1531 como feligresía de San Pedro de Ancorados e en 1549 como felegresía de San Pedro d’Ancorados.

• Pronuncia: /samˈpeðɾo̝ðaŋkoˈɾaðo̝s/ ou /samˈpeðɾo̝ðe̯aŋkoˈɾaðo̝s/ (AFI)

Topónimo

San Pedro de Ancorados

Igrexa parroquial de San Pedro de Ancorados.

1. (Toponimia de Galicia) Parroquia do concello da Estrada, na provincia de Pontevedra.
   • Véxase tamén: Lugares da parroquia: O Barro, Brei de Riba, O Foxo, Mamoela, A Pena de Arriba, Pousadela, San Pedro e Ventosela.
   • Observacións: No Nomenclátor de Galicia de 2003 o lugar da Pena de Arriba figuraba como A Pena de Riba; desde 2026 o nome oficial é A Pena de Arriba.
   • Observacións: Ribas, que figuraba como lugar desta parroquia no Nomenclátor de Galicia de 2003, non consta no de 2026.
   • Véxase tamén: Vexa o artigo «San Pedro de Ancorados, A Estrada» na Galipedia.

Termos relacionados

• San Pedro
• Ancorados
• San Tomé de Ancorados
• coiro

Véxase tamén

• Vexa o artigo «San Pedro» na Galipedia.
• Vexa o artigo «Ancorados» na Galipedia.