Galego

Vexa na Galipedia o artigo acerca de «Barcala».

Etimoloxía: de orixe prerromana e significado probablemente orohidronímico. Edelmiro Bascuas relaciona o topónimo coa raíz indoeuropea *bher- («brotar, fluír») e cun antigo sufixo prerromano -alo/-allo. Fernando Cabeza Quiles considera tamén posible unha base prerromana *barc- («depresión»), en referencia a unha concavidade ou depresión do terreo percorrida por un curso de auga; esta motivación concorda coa orografía e hidrografía dos distintos lugares galegos chamados Barcala ou A Barcala. As dúas parroquias estradenses aparecen na documentación medieval como villas Barcalla; Sanctum Micahelem de Barcala está documentado en 1032, e en 1390 constan San Miguel de Barcala e Santa Mariña de Barcala.^[1]

Barcala

(Toponimia de Galicia) Parroquia do concello da Estrada, na comarca de Tabeirós-Terra de Montes, na provincia de Pontevedra.
- Sinónimos: Santa Mariña de Barcala.
- Véxase tamén: Lugares da parroquia: Santa Mariña e Trasande.
- Véxase tamén: Vexa o artigo «Barcala, A Estrada» na Galipedia.
(Toponimia de Galicia) Parroquia do concello da Baña, na comarca da Barcala, na provincia da Coruña.
- Sinónimos: San Xoán de Barcala.
- Véxase tamén: Lugares da parroquia: Arzón, Cores, Emes, O Lameiro, Moldes, O Pau do Raposo, A Pereira, A Revoltiña, Seoane e A Torre.
- Observacións: No Nomenclátor de Galicia de 2003 figuraba Pao de Raposo; desde 2026 o nome oficial é O Pau do Raposo.^[2]
- Véxase tamén: Vexa o artigo «Barcala, A Baña» na Galipedia.

Barcala

Río da provincia da Coruña, afluente pola marxe dereita do río Tambre.
- Véxase tamén: Vexa o artigo «Río Barcala» na Galipedia.

↑ Cabeza Quiles, Fernando (2018): Toponimia da Estrada, A Coruña: Real Academia Galega e Asociación Galega de Onomástica, páxs. 29-30. DOI: 10.32766/rag.336. ISBN 978-84-947823-6-7.
↑ Seminario de Onomástica da Real Academia Galega (2026): Nomenclátor de Galicia 2026, A Coruña: Real Academia Galega, páx. 32. DOI: 10.32766/rag.461.