nervio

Galego

• Etimoloxía: do latín nervu(m), "nervio"

• Pronuncia: /ˈneɾβjo̝/ (AFI)

Substantivo masculino

nervio ----

singular	plural
nervio	nervios

1. (Anatomía) Estrutura en forma de cordón, formada por unha ou máis fibras nerviosas, que transmiten os impulsos entre o sistema nervioso central e os órganos e tecidos periféricos.
   • Exemplo: O corte afectoulle case tódolos nervios e deixoulle a man inútil.
     
     
   • Termos relacionados: estar dos nervios, poñer dos nervios, nerviosismo, nervioso, neuralxia, neurite, tecido nervioso.
2. (Anatomía) Por extensión, fascias, aponeuroses e outras fibras de tecido conxuntivo que por veces aparecen na carne entre as fibras musculares.
   • Exemplo: Esa carne ten moito nervio, así que mellor a preparamos guisada.
     
     
3. (Figurado) Forza, enerxía dunha persoa ou animal.
   • Exemplo: Este cabalo é un monllo de nervios e non hai quen o domee.
     
     
4. (Botánica) Vaso que sobresae na folla dunha planta, que conduce o zume.
   • Sinónimos: nervación, nervadura.
5. (Arquitectura) Moldura que sobresae na superficie dunha bóveda.
   • Exemplo: Na intersección dos nervios pode verse un medallón coa figura dun anxo.
     
     
   • Termos relacionados: nervadura.
6. Fío que suxeita as follas dun libro ó lombo.

Traducións

• Castelán: nervio ^(es).
• Catalán: nervi ^(ca).
• Dálmata: niar ^(dlm)
• Francés: nerf ^(fr).
• Inglés: nerve ^(en).