ciencia ficción

Galego

Jules Verne (1828-1905), escritor francés pioneiro da literatura de ciencia ficción.

Imaxe de Le Voyage dans la lune (1902), filme mudo de George Méliès

• Etimoloxía: de ciencia e ficción, e este do inglés science fiction.

• Pronuncia: /ˈθjɛn.θja̯ fik.ˈθjoŋ/ ou /ˈsjɛn.θja̯ fik.ˈsjoŋ/ (AFI)

Locución substantiva feminina

ciencia ficción

1. Xénero literario e cinematográfico cuxo contido está baseado nos efectos de hipotéticos avances científicos e tecnolóxicos, presentes ou futuros, sobre a sociedade ou os individuos.
   • Exemplo: 'Alien é unha das máis famosas películas de ciencia ficción.
     
     

Sinónimos

• ficción científica

Observacións

Aínda que a Real Academia Galega admite tanto o termo ciencia ficción como o sinónimo ficción científica, algúns autores, como o terminólogo Xusto Rodríguez Río, consideran preferíbel a expresión ficción científica por consideraren que, como norma xeral, se debe buscar a adaptación das denominacións importadas ás pautas ortográficas, ortofónicas e morfosintácticas do galego.
(Véxase, así mesmo, a forma portuguesa).

Traducións

• Alemán: Science-Fiction ^(de)
• Catalán: ciència-ficció ^(ca)
• Castelán: ciencia ficción ^(es)
• Inglés: science fiction ^(en)
• Francés: science-fiction ^(fr)
• Italiano: fantascienza ^(it)
• Neerlandés: sciencefiction ^(nl)
• Portugués: ficção científica ^(pt)
• Romanés: literatură științifico-fantastică ^(ro) (para a literatura)
• Romanés: film științifico-fantastic ^(ro) (para a cinematografía)
• Vasco: zientzia-fikzio ^(eu)