alvéolo

Grafías semellantes:     alveolo

Galego

• Etimoloxía: do latín científico alveǒlus, diminutivo do latín alveus, cavidade.

• Pronuncia: /alˈβeo̝lo̝/ (AFI)

Substantivo masculino

alvéolo (sg: alvéolo; pl: alvéolos)

Ovos e larvas nos alvéolos dun favo de abellas.

Alvéolos (tafoni) no Salt Point State Park, Sonoma County, California.

1. Calquera oco, cavidade ou depresión de pequenas dimensións nunha superficie.
2. (Apicultura) Cela ou casulo do favo das abellas e doutros insectos himenópteros.
3. (Bioloxía) Depresión de pequenas dimensións na superficie de calquera órgano.
   • Exemplo: O receptáculo das compostas presenta un alvéolo.
     
     
4. (Micoloxía) Cavidade na que se atopa o himenio dos fungos ascomicetos.
   • Exemplo: Nas pantorras ou xiruspatos (cogumelos do xénero Morchella) o conxunto dos alvéolos dá un sombreiro típico con aspecto de esponxa.
     
     
5. (Xeomorfoloxía) Cavidade ou depresión de pequenas dimensións (de até varios centímetros) e forma globular, escavada nunha rocha por acción química disolución) ou mecánica (pola abrasión do vento cargado de area).
   • Observacións: Cando a cavidade é de maior tamaño, denomínase tafon, (plural tafoni), na terminoloxía xeolóxica internacional, ou cachola, na popular galega.
6. (Xeomorfoloxía) Depresión de grandes dimensións (de varios hectómetros a varios quilómetross de diámetro) escavada nos zócolos cristalinos debida ao afloramento de rochas alterábeis ou ao entrecruzamento de liñas de fractura.
   • Exemplo: As augas da chuvia formaron, no fondo do grande alvéolo, unha lagoa.
     
     
7. (Zooloxía) Cada unha das cavidades escavadas na parede interna do barrete dos ruminantes.

Termos relacionados

• alvéolo dentario
• alvéolo pulmonar

Traducións

• Alemán: Alveole ^(de)
• Castelán: alvéolo ^(es), alveolo ^(es)
• Catalán: alvèol ^(ca)
• Francés: alvéole ^(fr)
• Inglés: alveolus ^(en)
• Italiano: alveolo ^(it)
• Portugués: alvéolo ^(pt)