á

Grafías semellantes:     A ,    Å ,    a ,    à ,    a. ,    a- ,    -a ,    æ ,    А ,    а

Galego

á¹

• Pronuncia: /aː/ (AFI)

Contracción

á

1. Definición impropia: contracción da preposición «a» e mais o artigo determinado feminino singular «a».

Termos relacionados

• Ao, aos, ás, ó, ós.

á²

• Etimoloxía: do latín ala, -ae (sobrazo, ombro, á [dunha ave], á [dun edificio]).

Substantivo feminino

Debuxo das ás dun paxaro

Animación do movemento das ás dun insecto.
Lenda:
a:ás
b:uniós
c:músculos dorsoventrais
d:músculos lonxitudinais

á (sg: á; pl: ás)

1. (Zooloxía) Membro cunha ampla superficie de sustentación, propio dos animais adaptados ao voo, (quirópteros, aves e insectos). Nas aves, está constituída polos ósos da extremidade torácica e por apéndices tegumentarios, as plumas.
2. (Anatomía) Estrutura, normalmente eminencia ou apófise, que se acha a cada lado dun órgano impar, e que son máis ou menos simétricas. As máis importantes son as do esfenoide, as do solo do cuarto ventrículo e algunhas eminencias óseas, como as do ilio ou do sacro.
   • Exemplo: Á do sacro.
     
     
3. (Botánica) Cada un dos dous pétalos laterais da corola das flores das papilionáceas.
4. (Botánica) Calquera expansión laminar, foliácea ou membranosa, que se pode presentar en diversos órganos vexetais, como caules, pecíolos, froitos ou sementes.
   • Exemplo: Os froitos en sámara están provistos dunha á que favorece a súa dispersión.
     
     
5. (Xeoloxía) Cada un dos dous lados dunha dobra.
   • Sinónimos: flanco.
6. (Zooloxía) Labio dalgunhas cunchas de moluscos gasterópodos.
7. Superficie en forma de lámina plana con carácter independente que sobresae do corpo xeral dunha estrutura.
   • Exemplo: As ás do avión.
     
     
8. Parte dun edificio diferente da zona principal, normalmente situada nunha zona lateral do espazo.
   • Exemplo: A á oeste da Casa Branca.
     
     

Galería

• 
  Ás e movemento: gaivotas choronas, Larus ridibundus.
• 
  Un morcego, Chalinolobus gouldii, en voo: a á está soportada por catro dos seus cinco dedos.
• 
  Nos pterosuaros, como este Quetzalcoatlus, a á estaba soportada unicamente polo cuarto dedo.
• 
  Airbus A380, actualmente o maior avión comercial de pasaxeiros do mundo. Vemos os catro grandes turboreactores inseridos nas ás.

Sinónimos

• Ala.

Termos relacionados

• Á branca, á cinérea, á de mosca, á do esfenoide, á do ilíaco, á do sacro, á do vómer, á espuria, aleta.

Traducións

• Alemán: Flügel ^(de).
• Castelán: ala ^(es).
• Francés: aile ^(fr).
• Inglés: wing ^(en).
• Italiano: ala ^(it).
• Portugués: asa ^(pt).

Portugués

Substantivo masculino

á (sg: á; pl: ás)

1. A.