se

Grafías semellantes:     Se ,    sé

Galego

se¹

Pronome

se

1. Definición impropia: forma reflexiva do pronome persoal átono de terceira e sexta persoas.
   • Exemplo: Non se entendeu nin a si mesmo.
   • Exemplo: Ofreceuse para ir recollela.
2. Definición impropia: forma recíproca do pronome persoal de sexta persoa.
   • Exemplo: A eses dous non hai quen os entenda, pero disque se entenden ben entre eles.
   • Exemplo: Pasaron toda a tarde lanzándose bólas de neve.
3. Definición impropia: marca de oración pasiva naquelas co verbo en voz activa.
   • Exemplo: Repartíronse panfletos reivindicativos toda a mañá.
   • Exemplo: Os danos máis importantes non foron causados tanto polo terremoto en si senón polas réplicas que se sucederon nas horas seguintes.
4. Definición impropia: indica que o suxeito non está determinado nas oracións impersoais.
   • Exemplo: Dise polos bares da Coruña que este ano vai ser o ano do Deportivo.
   • Exemplo: Non sei se se comentará na reunión ou non, pero disque este mes vai haber recortes nos presupostos.

Traducións

• Alemán: sich ^(de).
• Castelán: se ^(es).
• Inglés: self ^(en), himself ^(en) (terceira persoa, varón), herself ^(en) (terceira persoa, muller), themselves ^(en) (sexta persoa).
• Portugués: se ^(pt).

Observacións

• Nunca se combina con pronomes de obxecto directo, pois en galego os verbos non poden ser transitivos e pronominais ao mesmo tempo.

  Exemplo: «Comeuse unha costeleta» → «Comeu unha costeleta».

se²

Conxunción

se

1. Definición impropia: introduce unha condición.
   • Exemplo: Se non tardas moito, dános tempo de chegar antes de que pechen a tenda.
2. Definición impropia: introduce algo incerto.
   • Exemplo: Non sei se imos ter comida abondo para todos.
3. Definición impropia: introduce unha oración interrogativa indirecta.
   • Exemplo: Pregúntalle a Alexandre se vai vir ao concerto desta fin de semana.
4. Definición impropia: serve para darlle máis énfase a algunhas frases.
   • Exemplo: Onde vas? Se dixeches que viñas connosco!

Traducións

• Castelán: si ^(es).
• Francés: si ^(fr).
• Inglés: (1, 2 e 3) if ^(en), (1, 2 e 3) whether ^(en).

Castelán

Pronome

se

1. Se.

Portugués

se¹

Pronome

se

1. Se.

se²

Conxunción

se

1. Se.