pintura

Galego

A rapaza da perla, de Johannes Vermeer

• Etimoloxía: do latín pinctūra, alteración do latín pictūra, de latín pictus (de pingĕre, pintar)

Substantivo feminino

pintura (sg: pintura; pl: pinturas)

1. (Arte) Arte de pintar, representando situaciones reais ou non sobre unha superficie plana.
   • Exemplo: Picasso, con pouco máis de dez anos, estudou pintura na Coruña.
     
     
2. (Arte) Obra pictórica realizada segundo os principios desta arte.
   • Exemplo: Os nazis destruíron moitas pinturas expresionistas por consideralas decadentes.
     
     
   • Exemplo: Encántanme as pinturas rupestres de Altamira.
     
     
   • Sinónimos: cadro
3. (Arte) Pigmento empregado para pintar.
   • Exemplo: Para Reis, comprarei á neta un estuche de pinturas, para que vaia aprendendo.
     
     
   • Exemplo: Non me gusta como me queda esa pintura de uñas.
     
     
4. Substancia aplicada sobre unha superficie.
   • Exemplo: Houbo que dar dúas mans de pintura á casa para cubrir ben a cor que tiña antes.
     
     
5. (Profesións) Oficio do pintor.
   • Exemplo: Traballa co seu pai na pintura de barcos.
     
     

Termos relacionados

• pintura mural, pintura ó fresco, pintura ó óleo, pintura ó temple
• natureza morta, paisaxe, pintura de xénero
• pintura abstracta, pintura realista

Traducións

• Inglés: painting ^(en)
• Castelán: pintura ^(es)
• Portugués: pintura ^(pt)