grupo

do Galizionario, dicionario galego na Internet.

galego

Substantivo masculino

• Etimoloxía:  Do italiano gruppo.

---

singular	plural
grupo	grupos

1. Conxunto diferenciado de cousas ou persoas que posúen certas características comúns e que, polo xeral, están nun mesmo lugar.
   • Exemplos: Estes cogomelos collinos baixo aquel grupo de árbores.
   • Sinónimos:
     • fato (de animais ou, cun matiz despectivo, de persoas)
   • Termos relacionados:
     • agrupar
2. Conxunto de persoas organizado e unido na busca duns intereses comúns, na realización dunha actividade, etc.
   • Exemplos: Tendes dous dúas para decidir se participades no grupo de traballo.
   • Sinónimos:
     • banda (no caso dun grupo armado)
     • equipo
     • partido (no caso dun grupo político)
   • Termos relacionados:
     • grupo armado
     • grupo parlamentario
     • grupo político
     • grupo de presión
3. (Música) Conxunto de intrumentistas que tocan e actúan xuntos.
   • Exemplos: De mozo tocaba nun grupo de rock.
   • Sinónimos:
     • banda
     • conxunto
     • orquestra
4. (Matemáticas) Conxunto de elementos que se relacionan entre si segundo unhas determinadas características ou leis.
   • Exemplos: O grupo dos números enteiros.
5. (Química) Cada unha das columnas do sistema periódico que conteñen elementos de propiedades semellantes.
   • Exemplos: O grupo dos gases raros.
6. (Bioloxía Tipo en que se clasifica o sangue segundo a presenza de determinados anticorpos.
   • Exemplos: O meu sangue é do grupo AB negativo.
7. Máquina capaz de producir electricidade.
   • Sinónimos:
     • grupo electróxeno
8. Conxunción de dúas ou máis vocais ou consoantes.
   • Exemplos: O grupo -ct- perde o 'c' se vai precedido de vocal débil.

Traducións

• castelán: grupo (es)
• francés: groupe (fr)