boi

Galego

• Etimoloxía: do latín vulgar *boe, por bōvem, do latín bōs, bovis (boi, vaca).
  

  

  Unha parella de bois aparellados para tracción.

Boi de raza Holstein ou frisona.

Boi (crustáceo) (vista superior).

Boi (crustáceo) (femia vista inferior).

Substantivo masculino

boi (sg: boi; pl: bois)

1. (Zooloxía) Touro castrado.
   • Exemplo: Un bo boi para o arado.
2. Touro semental.
   • Exemplo: Hai que levar as vacas ao boi.
   • Sinónimos: almallo.
   • Observacións: Neste caso é frecuente que o termo boi vaia acompañado dun cualificativo: boi de parada, boi de posto, boi de marón, etc.
3. (Zooloxía) Crustáceo decápodo da suborde dos braquiúros e familia cáncridos, Cancer pagurus Linné, de até 20 cm de lonxitude, co caparazón ovalado, moito máis largo que longo, abombado e lixeiramente granulado, cos bordos con nove lóbulos arredondados a cada lado, de cor parda avermellada, quelípodos robustos, máis grandes nos machos e rematados en fortes pinzas cos extremos negros, e os catro restantes pares de patas peludos, o último máis pequeno, que vive no Atlántico oriental, desde as costas ibéricas ao norte de Noruega, e no Mediterráneo, desde a zona intermareal até os 200 m.
   • Exemplo: O boi é unha especie de interese comercial.
   • Sinónimos: boi de Francia, boi de mar, esqueiro, noca, noco.

Termos relacionados

• andar ao boi
• a paso de boi
• beber coma un boi
• boi colludo
• boi da cuberta
• boi das vacas
• boi de barro
• boi de Belén
• boi de marón
• boi de palla
• boi de parada
• boi de posto
• non escapar os bois coa grade
• poñer os bois ao carro
• saber con que bois se ara

Traducións

De 1 e 2

• Alemán: Ochse ^(de)
• Arapaho: híítoohuunóókec ^(arp)
• Castelán: buey ^(es)
• Catalán: bou ^(ca)
• Finés: härkä ^(fi)
• Francés: bœuf ^(fr)
• Inglés: ox ^(en)
• Italiano: bue ^(it), bove ^(it)
• Portugués: boi ^(pt)

De 3

• Alemán: Krebs ^(de)
• Castelán: buey de mar ^(es)
• Catalán: bou ^(ca), bou de mar ^(ca)
• Finés: rapu ^(fi)
• Francés: crabe-dormeur ^(fr) (Dromia personata), dourmeur ^(fr), poupard ^(fr), pouopart ^(fr); en gastronomía: tourteau ^(fr), crabe-de-lune ^(fr), poing-clos ^(fr)
• Inglés: edible crab ^(en), brown crab ^(en)
• Italiano: granciporro ^(it)
• Portugués: caranguejola ^(pt)